Нема запирање кога се работи за доброто и потребите на граѓаните на општина Бутел.
Денес започна асфалтирањето на крак на улица “Петар Манџуков”, односно улицата која ги опфаќа сервисите и една од најфрекфентните улици која е поврзување со главната улица “Бутелска”.
Улицата е во должина од 115 метри и површина од 1000 метри квадратни. Беше извршена целосна реконструкција на дел од тротоарите.
Поставена е и атмосферска канализација за решавање на проблемот со водата.
Повеќе децении оваа значајна сообраќајница воопшто не е реконструирана, што е евидентно од состојбата во која се наоѓаше.
Граѓаните му ја дадоа довербата на градоначалникот Дарко Костовски и тој секогаш работи во интерес на сите граѓани на општина Бутел.
Ова е уште една потврда на ветеното и уште еден чекор кон обнова и подобрување на патната инфраструктура на општина Бутел.
Градежната офанзива е со силна динамика.
