Денес повторно општинските работници добија комплетно нова ХТЗ опрема со која се подобруваат условите за заштита при работа.
Општина Бутел ја продолжува праксата која ја воспостави градоначалникот Дарко Костовски општински работници да имаат безбедни услови за работа.
Во рамки на обезбедување подобри услови за работа, општина Бутел обезбеди летна и зимска опрема за вработените.
Од денес општинската механизација е збогатена и со два нови камиони кои значително ќе помогнат во извршување на работите задачи.
Ова ќе значи подобри услови за работа, побрза реакција и сето тоа во интерес на граѓаните.
Локалната самоуправа продолжува со подобрување на условите за чиста и урбана општина Бутел.
