Пред извесен период, започна изградбата на новата детска градинка, којашто се наоѓа во дворот на ООУ “Св. Климент Охридски”. Затекнавме закочен процес и основен проект со повеќе технички проблеми, на кои динамично се работеше во изминатиот период.
Вкупната површина на детската градинка изнесува 950 м2 (во првата фаза), а втората фаза опфаќа 200 м2.
Вкупната инвестиција изнесува 35.000.000 денари, средства обезбедени од ТАВ програмата.
Капацитетот на градинката ќе биде за 120 деца, а целиот објект ќе биде едно ново модерно здание кое ќе ги задоволи сите потреби на малите деца. Со оваа нова градинка, во значителна мера ќе се реши проблемот со упис на нови деца.
Градоначалникот Дарко Костовски денес заедно со вицепремиерот Фатмир Бетиќи направија увид во градежните активности на новата детска градинка.
Секој ден, нови проекти за подобра иднина на нашите граѓани!





