Градоначалникот Дарко Костовски најостро го осудува вандалскиот чин, со кој се уништува урбана опрема, особено во ова време кога се гради како никогаш досега.
Многу е жално што сите граѓани почесто се сведоци на дивјаштвото врз реквизитите и урбаната опрема, којашто претходно е поставена на местата каде децата и граѓаните најчесто одмораат.
Последниот случај е во дворот на ООУ “Ацо Шопов”, кадешто целосно е уништена урбаната опрема, а оштетен е и летниковецот.
На овој потег во изминатиот период се вложени над 4 милиони денари, во ново игралиште, нова урбана опрема и ново зеленило.
Градоначалникот Дарко Костовски јавно ќе побара од директорот на основното општинско училиште и од МВР да постапи и најригорозно да го санкционира ваквиот вандалски чин. Лицето е добро познато на службите од училиштето и на службите на МВР. Дополнително, по соодветната постапка ќе се побара надомест на штетата.
Градоначалникот Дарко Костовски апелира до граѓаните да се однесуваат одговорно и да го чуваат она што се гради и она во што се вложува,за подобри услови за сите граѓани на општина Бутел.
