Во Собранието на Република Македонија беше прифатен амандман, со кој се обезбедуваат средства за изградба на нова детска градинка во населеното место Бутел 2.
Градоначалникот Дарко Костовски изрази голема благодарност на претседателот д-р Христијан Мицкоски и на пратениците на ВМРО-ДПМНЕ за предложениот амандман. Покрај опструкциите на власта, во општина Бутел ќе се изгради уште еден капитален проект.
Проектната документација за новата градинка во Бутел 2 веќе забрзано се подготвува и истата ќе биде завршена до крајот на 2023 година. Проектот ќе започне со реализација во првото тромесечие од 2024 година.
Со реализација на овој голем и значаен проект, во мандатот на градоначалникот Дарко Костовски ќе бидат изградени две нови градинки, во период од три години.
