ФИНАНСИСКА ПОДДРШКА ЗА НАЈРАНЛИВАТА КАТЕГОРИЈА НА ПЕНЗИОНЕРИ ОД ОПШТИНА БУТЕЛ
Општина Бутел објави Јавен повик за доделување на еднократна финансиска помош и поддршка во износ од 2.000 денари, на најранливата категорија на пензионери со минимална пензија.
Во услови на енормни поскапувања, зголемени сметки, зголемени трошоци и зголемена потрошувачка кошница, во услови на голема економска и енергетска криза, на иницијатива на градоначалникот Дарко Костовски ќе се додели финансиска помош на пензионерите и на нивните семејства.
Јавниот повик е отворен од 24.01.2024 до 31.01.2024 година.
Потребната документација може да се достави секој работен ден во просториите на Општина Бутел, од 09:00 до 15:00 часот.
Право на финансиска поддршка ќе остварат:
– Граѓани кои имаат постојано живеалиште на територија на Општина Бутел
– Приматели на старосна, семејна или инвалидска пензија чијшто износ не е повисок од 15.000 денари.
Јавниот повик и потребните документи се објавени на следниот линк
Исплатата ќе се изврши на принцип “прв дојден – прв услужен”.
Општина Бутел продолжува со грижата за најстарите граѓани.
