Градоначалникот Дарко Костовски заедно со премиерот Христијан Мицкоски, министерот за спорт Борко Ристовски и пратеничката Каролина Насковска свечено го отворија новиот спортско-рекреативен центар кој се наоѓа во населеното место Љуботенски пат а го носи името “Бранители”.
Ова е место на кое во минатото пораснаа многу генерации но за жал изминатите години беше целосно запуштено и претворено во депонија.
Спортско-рекреативниот центар “Бранители” се протега на површина од 2600 м2 и содржи: ново модерно фудбалско игралиште со вештачка трева, нова челична ограда и ново лед осветлување, ново баскет игралиште со специјална подлога, фитнес зона за вежбање и рекреирање, реконструктуирано детско игралиште, нов парк и нови зелени површини, нови пешачки патеки, нова урбана опрема, како и ново лед осветлување.
Ова е уште еден спортско-рекреативен центар кој е изграден во изминатиот период. До крајот на мандатот секое населено место ќе добие свој модерен спортско-рекреативен центар.
Општина Бутел се менува. Граѓаните го добиваат тоа што го заслужуваат. Добиваат модерна, урбана општина со многу содржини.
