Со одлична динамика напредува изградбата на новата детска градинка во населеното место Бутел 2.
Во тек се активности за армирање, поставување на темели, потребна изолација на објектот и подготовка за поставување на подна плоча.
Новиот објект ќе биде изграден за 18 месеци. Ќе се простира на површина од 1800 м2. Ќе има 3 влеза, 7 занимални со 7 спални соби, 2 занимални со заеднички спални соби и една просторија за јасли. Ќе има и посебна просторија за изолација,медицинска сестра и млечна кујна.
Новата градинка ќе има капацитет за згрижување на 200 деца и ќе ги исполнува сите неопходни услови за згрижување на деца од предшколска возраст.
Објектот кој замина во историја беше изграден во далечната 1964 години и по 60 години се гради нова модерна детска градинка.
Општина Бутел релизира големо барање на граѓаните. Ова е капитален објект кој ќе биде изграден по долги години лажни ветувања.
Заедно за модерна, современа и европска општина Бутел.
