Денес беше одбележан патрониот празник на општинското училиште “Живко Брајковски” – ден кој нè потсетува на вредностите што ги негуваме, на традицијата што ја почитуваме и на визијата што ја споделуваме за иднината.
Градоначалникот Дарко Костовски изрази благодарност до наставниците кои се столбот на училиштето. Тие се оние кои со љубов кон својата професија, со труд и со посветеност секојдневно ги водат учениците по патот на знаењето.
Нивниот ангажман не се мери само со часовите одржани пред табла, туку и со безбројни моменти со кои инспирираат, поддржуваат и мотивираат.
Општина Бутел продолжува континуирано со развивање на образованието и збогатување на содржините во училиштата.
