Денес беше одбележан патрониот празник на ООУ “Ацо Шопов”.
“Млад сум а душата ми е остарена од љубовта моја неостварена, љубовта Македонија” е една од најпознатите мисли на Ацо Шопов.
Присуството на голем број професори, спортисти, доктори, музичари е само една потврда дека ова општинско училиште е меѓу најдобрите основни училишта во Република Македонија.
Градоначалникот Дарко Костовски изрази благодарност до директорката и наставничкиот персонал, кои секогаш се стремат да образуваат, воспитуваат и градат личности кои ќе бидат истакнати и горди граѓани.
Брилијантните дела на Ацо Шопов денес се наоѓаат во сите универзитетски и другите големи библиотеки ширум државата но и светот. Оттука, со гордост можеме да кажеме дека неговиот придонес за истакнувањето на македонската песна е безвременски.
Градоначалникот изрази благодарност и до семејството Шопов, кои секогаш се силна поддршка на ООУ “Ацо Шопов”.
