Ветувањето на градоначалникот Дарко Костовски, денес се претвора во дело. Заедно со градоначалникот на Град Скопје, Орце Ѓорѓиевски, започнува реконструкцијата на улиците „Бутелска“ и „Радишанска“ – проект кој со години беше едно од најголемите барања на жителите на Бутел.
Со оваа инвестиција конечно се решава долгогодишен инфраструктурен проблем и се создаваат побезбедни и поквалитетни услови за живот.
Во рамки на проектот ќе се реконструираат повеќе од 2,2 километри улици, ќе се изгради нов асфалтен коловоз, ќе се обноват речиси 4 километри тротоари, а ќе се изгради и нова атмосферска канализација во должина од 1.200 метри, со што трајно ќе се реши проблемот со одведувањето на атмосферските води и ќе се намали ризикот од поплави.
Ова не е само реконструкција на две улици. Ова е инвестиција во безбедноста, во подобрата инфраструктура и во иднината на Бутел.
Градоначалникот изрази благодарност на градоначалникот на Град Скопје, Орце Ѓорѓиевски, за поддршката и партнерскиот однос, како и на Владата за обезбедените средства.
Кога институциите работат заедно, резултатите се видливи и граѓаните добиваат проекти што со години ги очекувале.
Исто така, привршува и изградбата на новиот мега-парк во Бутел – уште еден капитален проект што ќе го промени ликот на општината.
