Ветувањето на градоначалниците Дарко Костовски и Орце Ѓорѓиевски се реализира во краток временски период во населеното место Бел Камен.
Заедно со Град Скопје, ЈП “Водовод и Канализација” и градоначалникот на општина Чучер Сандево Зоран Бајовски, општина Бутел започна активности за поставување на нова водоводна мрежа во должина од 610 метри.
Новата водоводна мрежа ќе обезбеди квалитетно водоснабдување и непречен проток на чиста вода за пиење до домаќинствата.
По поставување на новата водоводна мрежа ќе продолжи реконструкцијата на 4 улици.
Сите инфраструктурни зафати значат надминување на постоечките проблеми и подобри услови за граѓаните.
